Tite mbron Neymarin: Ai nuk mund të bëjë ndryshimin gjatë gjithë kohës

18:18 | 11 Tetor 2021

Bosi i ‘Selecao’, Tite, refuzoi të kritikojë sulmuesin e Paris Saint-Germain pas shfaqjes zhgënjyese të skuadrës së tij në kualifikueset e Kupës së Botës.

Tite doli në mbrojtje të Neymar pas barazimit 0-0 të Brazilit me Kolumbinë, duke këmbëngulur se ylli “i jashtëzakonshëm” “nuk mund të bëjë diferencën gjatë gjithë kohës”.

Brazili humbi rekordin e tyre 100 për qind në kualifikimet për Kupën e Botës të dielën, duke luajtur një ndeshje zhgënjyese me Kolumbinë në stadiumin ‘Metropolitano’.

Bosi brazilian ka paralajmëruar se ata nuk mund të mbështeten te Neymar që të jetë vendimtar në çdo ndeshje, duke thënë në një konferencë për shtyp pas ndeshjes: “Neymar ishte i mirë dhe po ashtu edhe i gjithë ekipi.

“Ndoshta ai pritet të bëjë gjëra të jashtëzakonshme gjatë gjithë kohës dhe të bëjë një ndryshim gjatë gjithë kohës.

“Ai është një lojtar i jashtëzakonshëm sepse prodhon momente të jashtëzakonshme, por jo gjatë gjithë kohës. Ai është një lojtar tjetër, ne e dimë këtë.

“Por sot ai ishte shumë mirë i shënuar, ndonjëherë me dy lojtarë mbi të.”

Neymar ka përfaqësuar Brazilin në dy Kupat e Botës dhe dy Kupat e Amerikës, por ka ngritur vetëm një “copë” argjendi gjatë karrierës së tij ndërkombëtare – Kupën e Konfederatave 2013.

29-vjeçari është i vendosur të udhëheqë vendin e tij drejt çmimit më të madh të futbollit në Kupën e Botës 2022 në Katar, por gjithashtu ka pranuar se mund të jetë paraqitja e tij e fundit në turne.

“Unë mendoj se është Kupa ime e fundit Botërore,” tha Neymar për DAZN. “Unë e shoh atë si të fundit tim sepse nuk e di nëse kam forcën e mendjes për t’u marrë më me futbollin.

“Kështu që unë do të bëj gjithçka për të dalë mirë, të bëj gjithçka për të fituar me vendin tim, për të realizuar ëndrrën time më të madhe që kur isha i vogël. Dhe shpresoj se mund ta bëj”.

Neymar ka fituar 114 paraqitje për Brazilin që kur bëri debutimin e tij ndërkombëtar në 2010, duke shënuar 69 gola, gjë që e vendos atë të dytin në listën e golashënuesve të të gjitha kohërave pas Pele – i cili shënoi 77 në 92 ndeshje. /Lajmi.net