Deputetët e partive politike kanë zgjedhur që sot të dalin në foltore e të deklarohen.

Pavarësisht se kryesuesi i seancës, Avni Dehari vazhdimisht bënte thirrje t’u ndalej fjala, disa prej tyre veçse folën.

Deputetja e AAK-së, Time Kadriaj si për shaka tha se nga AAK-ja e kanë ndryshuar qasjen dhe se duan të propozojnë një emër për komisionin për votim të fshehtë.

Pas kësaj tha se e propozojnë deputetin Albin Kurti.

“Ne si AAK kemi ndryshuar qëndrim dhe e kemi një emër për propozim…Ne e kemi një emër për Komision dhe për Komision e propozojmë deputetin Albin Kurti”.

Pas kësaj Kadriajt i është ndalur fjala përmes ç’kycjes së mikrofonit.

Seanca dështoi edhe sot për të 40-ën herë me radhë, ndërsa pritet që deputetët të mblidhen pas dy ditëve në ora 11:00./Lajmi.net/