Lajmin e ka konfirmuar zyrtari i Policisë për informim, Driton Rugova.

“Sot rreth orës 9:30 minuta në rrugën ‘Esat Mekuli’ në Pejë ka ndodhur një zënkë midis disa të miturve. Si pasojë e kësaj, një i mitur ka pësuar lëndim të rëndë trupor nga mjeti i mprehtë (thikë)”, tha Rugova për Klan Kosova

“Patrulla policore menjëherë ka shkuar në vendin e ngjarjes dhe e ka arrestuar të dyshuarin. Njëkohësisht i kanë konfiskuar edhe mjetin me të cilin dyshohet se është kryer krimi”, tha tutje zyrtari policor.

Ai tha se i dyshuari (i mitur) me urdhër të prokurorit është dërguar në ndalim policor për 24 orë.

Sipas ekipit mjekësor, gjendja e viktimës është jashtë rrezikut për jetë.