Një person është therur me thikë në mbrëmjen e së mërkurës në rrugën Isa Boletini në Gjilan.

Rastin për Lajmi.net e ka konfirmuar  zëdhënësi i policisë për rajonin e Gjilanit, Ismet Hashani.

Hashani tha se një person i moshës 24 vjecare është therur me thikë dhe si pasojë e lëndimeve të marra është dërguar në QKUK.

“Ju njoftojme se sot me datën 13.11.2024 rreth orës 20:20 kemi pranuar një informatë se në rrugë “Isa Boletini’’ prapa stacionit të autobusve në qytetin e Gjilanit ka ndoodh një rast therje me thikë. ”

Njësitet policore kanë dalur në vendin e ngjarjes. Sipas hetimeve të para mësohe se viktime është i moshës 24 vjeqar i cili me urgjencë është dergu në qendrën emergjente këtu në Gjilan dhe më pas për shkak të lëndimeve dergohet në QKUK në Prishtinë për trajtim të mëtejmë” ka thënë Hashani.

Tutje Hashani ka shtuar se i  dyshuari i këtij rasti i njohur për policinë është vënë në kërkim policor.

Policia e Kosovës po punon intezivisht në zbardhjen e rrethanave të këtij rasti./Lajmi.net/