Një nga futbollistët më të mirë të Ballkanit, Armend Thaqi ka folur për lajmi.net rreth zërave se ekipi suharekas është përballur me probleme financiare gjatë edicionit që e lamë pas.

Thaqi pohoi se futbollistët kanë pasur vonesa në paga, mirëpo jo siç aludohej në opinion.

“Jemi të vetëdijshëm që ka pas probleme. Mirëpo nuk ka pas probleme të asaj natyre se kemi qenë 4 apo 5 muaj pa paga. Kemi pas vonesa. Normal se nuk i pëlqejnë askujt mungesat. Para një muaj e gjysmë kemi pasur një muaj me presidentin edhe me futbollistët. Kemi pa secili problemet ku kanë qenë”, deklaroi Thaqi për lajmi.net.

“Nuk ja ka vlejtë të dorëzoheshim për titull për këso problemesh. Kontrata tona mbrohen nga UEFA dhe FIFA. Mos të harrojmë edhe klubin që edhe kur nuk kemi dalë kampion dhe në Evropë kemi marrë të gjitha parat. Ajo na bëri të besojmë” – tha ndër tjerash ai.

Deklaratën e plotë të Armend Thaqit mund ta shikoni në videon e mëposhtme./Lajmi.net/