Thaçi konsideron se Zymberi ra heroikisht dhe tash kujtohet me krenari duke nderuar sakrificën e tij, transmeton lajmi.net

“Sot e kujtojmë me krenari, duke nderuar sakrificën, jetën dhe veprën e tij, si shëmbëlltyrën më të mirë se si mbrohet Kushtetuta dhe ligjet e shtetit”, ka shkruar Thaçi.

Ai i ka atribuuar edhe merita tjera policit të ndjerë duke thënë se integrimi i veriut dhe bashkimi territorial i Kosovës, mbajnë gjurmët e Zymberit.

Postimi i Thaçit:

Pesë vite më parë ra heroikisht në krye të detyrës Enver Zymberi, të cilin sot e kujtojmë me krenari, duke nderuar sakrificën, jetën dhe veprën e tij, si shëmbëlltyrën më të mirë se si mbrohet Kushtetuta dhe ligjet e shtetit.

Integrimi i veriut dhe bashkimi territorial i Kosovës mbajnë gjurmët e lavdishme të rënies heroike të Enver Zymberit.

Çdoherë kur kujtojmë 25 dhe 26 korrikun e vitit 2011, kujtojmë sakrificën e grave dhe burrave policë të Kosovës, që bënë të mundshëm bashkimin e Kosovës. HTH