Ministrja në detyrë, Donika Gërvalla-Schwarz ka vendosur që të godas ish-presidentin Hashim Thaçi për dështimet koalicionit VV-Guxo-Alternativa për të konstituar Kuvendin.

Përkundër që Thaçi ka 5 vite që gjendet në paraburgim në Hagë, zëvendëskryeministrja në detyrë ka vendosur të publikoi një video të para shumë vitesh, nga audio-përgjimet e rastit “Pronto”, shkruan lajmi.net

“Një ndihmë e vogël për të kuptuar arsyet e vërteta të bllokadës në Kuvend.”, ka shkruar ndër të tjera Gërvalla në postimin e saj, duke u munduar të arsyetoj dështimin e koalicionit fitues për të bërë numrat e nevojshëm për të konstituar Kuvendin.

Postimi i plotë:

Fol me Sllobën

Një ndihmë e vogël për të kuptuar arsyet e vërteta të bllokadës në Kuvend.

Një rikujtim për të gjithë ata që kanë harruar si bëheshin koalicionet në të kaluarën.

Një zotim që kjo praktikë e së kaluarës nuk kthehet më./lajmi.net/