Raportuesi i Parlamentit Evropian për Kosovën, Riho Terras, është deklaruar në lidhje me zgjedhjet nacionale të mbajtura mbrëmë në Kosovë.

Terras vlerëson se rezultatet e këtyre zgjedhjeve duhet që më në fund t’i japin fund bllokadës politike, e cila i ka kushtuar Kosovës miliona euro nga financimet e Bashkimit Evropian.

Terras thekson se kryeministri në mandat teknik, Albin Kurti, tani ka një mandat të qartë dhe përgjegjësi për të qeverisur në mënyrë më pragmatike.

“Rezultatet e zgjedhjeve në Kosovë duhet më në fund t’i japin fund bllokadës politike, e cila i ka kushtuar vendit miliona euro nga financimet e BE-së. Kryeministri Albin Kurti tani ka një mandat të qartë dhe përgjegjësi për të qeverisur në mënyrë më pragmatike”, ka shkruar Terras në rrjetin social “X”./Lajmi.net/

Kosovo’s election result should finally end the political deadlock that has cost the country millions of #euros in #EU funding.
PM @albinkurti now has a clear mandate and a responsibility to govern more pragmatically.#Kosovo @Europarl_EN @EU_Commission pic.twitter.com/cSr2NxwE9U

— Riho Terras (@RihoTerras) December 29, 2025