Tentoi të kryente grabitje të armatosur, një muaj paraburgim për të dyshuarin

Gjykata Themelore në Pejë ka caktuar masën e paraburgimit ndaj të dyshuarit për veprën penale grabitje në tentativë.

Lajme

16/05/2019 16:18

A.B në fshatin Grabanicë të komunës së Klinës me përdorimin e forcës ka tentuar të përvetësoj pasurinë e luajtshme të tjetrit me qëllim që t’i sjellë  vetes dobi pasurore të kundërligjshme, përcjell lajmi.net.

Të pandehurit i është caktuar masa e paraburgimit në kohëzgjatje prej një muaji.

Njoftimi i plotë:

Gjykata Themelore në Pejë – Departamenti për Krime të Rënda, ka aprovuar kërkesën e Prokurorisë Themelore në Pejë për caktimin e masës së paraburgimit ndaj të pandehurit A.B për shkak të dyshimit të bazuar se :

Me datë 04.05.2018, rreth orës 20:30 min, në fshatin Grabanicë, Komuna Klinë, me përdorimin e forcës tenton ta përvetësoj pasurinë e luajtshme të tjetrit me qëllim që t’i sjellë vetes dobi pasurore të kundërligjshme, në atë mënyrë që pasi i pandehuri hyn në shitoren e të dëmtuarit ku fillimisht blen një pako cigare në vlerë prej 2.80 € dhe kur i pandehuri e pyet të dëmtuarin “a t’i kam dhënë paret” i dëmtuari i përgjigjet “nuk ka problem”. I pandehuri e nxjerrë nga brezi një revole i drejtohet të dëmtuarit me fjalët “ qiti paret” dhe në atë moment nga dera hyjnë edhe tre persona tani të panjohur, nga të cilët njëri me armë në dorë, tjetri me thikë dhe një me fshesë në dorë dhe pasi të njëjtit e godasin të dëmtuarin, vazhdojnë dhe kërkojnë të holla në shitore, me të arritur në shitore vajzat e të dëmtuarit pas britmave që kishin dëgjuar, i pandehuri dhe personat e tjerë ikin nga vendi i ngjarjes në drejtim të panjohur.

Me këto veprime i pandehuri dyshohet se ka kryer veprën penale grabitje në tentativë.

Të pandehurit i është caktuar masa e paraburgimit në kohëzgjatje prej një (1) muaji.

Kundër këtij vendimi pala e pakënaqur ka të drejtë ankese në Gjykatën e Apelit. /Lajmi.net/