Kryetari i Komisionit Qendror të Zgjedhjeve në Shqipëri Ilirjan Celibashi ka marrë vendimin të revokojë akreditimin e vëzhguesve të partive.

Sipas këtij vendimi në Qendrën e Votimit në Vorë nuk lejohet asnjë vëzhgues partie, përveç mediave dhe ndërkombëtarëve.

Ky akt i Celibashit vjen pas tensioneve dhe përplasjeve në qendrën e votimeve të Vorës, raporton TopChannel.

Më parë sekretari i përgjithshëm i Partisë Demokratike, Flamur Noka u përfshi në një debat të ashpër me qytetarët e zonës së bashkë me deputeten Albana Vokshi.

Debati degradoi në fyerje të rënda mes tyre.