Erik ten Hag s’ka kursyer lëvdatat për mesfushorin brazilian, Casemiro.

Casemiro iu bashkua skuadrës së Manchester United gjatë merkatos së verës dhe dje bëri paraqitjen më të mirë me fanellën e United.

Pas ndeshjes, disa komente për lojtarin dha edhe trajneri Erik ten Hag, i cili tha se lojtari ia ka dëshmuar klubit që kishin nevojë për dikë sikur ai.

“E shihni se sa i rëndësishëm është një lojtar sikur ai për skuadrën, ai ishte i shkëlqyer dhe performanca e tij tregoi se klubi kishte nevojë për dikë sikur ai”, ka thënë Ten Hag, përcjell lajmi.net.

“Ai po e tregon këtë në ndeshjet e fundit, po tregon çfarë mund të bëjë për skuadrën”, shtoi holandezi.

Casemiro dhe Fred kanë filluar të gjejnë ritmin e tyre që e kanë te kombëtarja e Brazilit. Dyshja po bëjnë mirë tani edhe te ‘Djajtë e Kuq’. /Lajmi.net/