Temperaturat e larta në vendin tone: Mjekët bëjnë apel për kujdes të shtuar
Temperaturat në vendin tonë vazhdojnë të jenë të larta derisa është kërkuar që qytetarët t’i shmangin daljet e panevojshme. Në një intervistë për Lajmi.net, Rushit Ismaili doktor në QKMF-në Gani Demolli, është shprehur se temperaturat e larta gjatë këtyre ditëve ndikojnë në organizmin tonë jo vetëm në mënyrë negative por edhe pozitive, shkruan lajmi,net Benefitet…
![](https://lajmi.net/wp-content/uploads/2024/07/02262626.png)
Lajme
Temperaturat në vendin tonë vazhdojnë të jenë të larta derisa është kërkuar që qytetarët t’i shmangin daljet e panevojshme.
Në një intervistë për Lajmi.net, Rushit Ismaili doktor në QKMF-në Gani Demolli, është shprehur se temperaturat e larta gjatë këtyre ditëve ndikojnë në organizmin tonë jo vetëm në mënyrë negative por edhe pozitive, shkruan lajmi,net
Benefitet e diellit sipas Ismailit janë në krijimin e vitaminës D, forcimin e eshtrave, dhe në rritjen e imuntitetit mirëpo nëse ka ekspozim direkt dhe temperaturat janë të larta ato mund te shkaktojnë humbje të lëngjeve.
Ndër të tjera Ismaili është shprehur se ekspozimi direkt në diell, skuqja e fytyrës dhe marramendja mund të lidhen direkt me temperaturat e larta.
“Nuk është e preferusheshme që fëmijët 6 muajsh të ekspozohen direkt në rreze po të mbrohen në hapsira ku ka me pak rreze, grat shtatëzëna sidomos truri i frytit të tyre është i ndjeshëm”, ka thënë Ismaili.
Sipas tij problemi më i madh është gjatë ditës nga ora 10:00 deri në 16:00, ku koncetrimi i rrezeve ultravjollcë është shumë i lartë, derisa fëmijët dhe të moshuarit mbeten më të rrezikuarit. Ndërkaq ai thotë se mos përdorimi i kremrave me faktorë mbrojtës kundër diellit mund të shkaktojë djeg-je të lëkurës që është rrezik në zhvillimin e kancerit të lëkurës.
“Mos u ekspozoni direkt në rrezet e diellit nga ora 10:00 deri në 16:00, të jetë më i pranishëm përdorimi i kremrave me faktorë mbrojtës kundër diellit si dhe pini sa më shumë ujë”, ka thënë Ismaili. /Lajmi.net