Prodhuesi rus Yota ka njoftuar për nxjerrjen në shitje të telefonit të ri, YotaPhone, që ka dy ekrane, një LCD me ngjyra konvencionale dhe një ekran të dytë elektronik, që e bën më komod leximin e teksteve, librave, shikimin e hartave dhe shumë informacione tjera, duke mundësuar kursimin e energjisë.

Telefoni ka dalë në shitje në tregun evropian për një shumë prej 500 eurosh. Siç ishte njoftuar më herët, telefoni ka specifika mjaf të avancuara. Ekrani me ngjyrë i YotaPhone ka 4,3 inç dhe një rezolucion 1.280 x 729 pikselë.

Në anën e prapme, ekrani ka 640 x 360 pikselë. Do të jetë në dispozicion telefoni i bardhë dhe i zi, varësisht prej preferencës suaj. Sigurisht, kjo është teknologjia më e përparuar ndonjëherë, pasi më herët nuk kishim parë telefona të tillë.