Të shtëna me armë zjarri raportohet të ketë pasur mbrëmë në Prishtinë.

Policia bëri të ditur se katër të dyshuar meshkuj janë përleshur me njëri-tjetrit, ku më pas pati edhe të shtëna me armë zjarri.

Të njëjtit kanë pësuar lëndime trupore dhe janë dërguar për tretman mjekësor, transmeton lajmi.net.

“Në vendin e ngjarjes janë gjetur dhe konfiskuar; një armë TT, një karikatorë i zbrazur, pesë predha dhe një qese substancë e dyshuar narkotike”, thuhet nga policia.

Gjithashtu u tha se lidhur me rastin janë arrestuar katër të dyshuarit dhe me vendim të prokurorit tre të dyshuar dërgohen në mbajtje dhe njeri nga ta i moshës se mitur është liruar në procedurë të rregullt. /Lajmi.net/