Policia gjermane ka qëlluar për vdekje një burrë gjatë një shkëmbimi të të shtënave me armë zjarri pran konsullatës izraelite dhe një muzeu historik nazist në Mynih mëngjesin e sotëm.

Kjo është konfirmuar nga ministri i Brendshëm gjerman, Joachim Herrmann.

“Ishte një person mashkull dhe ne e dimë se ai ka vepruar këtu me një armë të llojit të gjatë”,tha njëri nga zëdhënësi e policisë në Mynih.

“Për shkak të ndërhyrjes së policisë, autori u ndalua dhe me siguri vdiq në vendin e ngjarjes”, deklaroi Herrmann.

Sipas policisë gjerman nuk raportohet për indikacione apo incidente të tjera në kryeqytetin e shtetit  bavarez, transmeton lajmi.net.

Ministria e Jashtme izraelite raportoi se konsullata  e tyre është mbyllur sot në përkujtim të sulmit të ndodhur gjatë Lojërave Olimpike të Mynihut në vitin 1972.

Kurse ministrja e Brendshme gjermane, Nancy Faeser e përshkroi të si incident të rëndë, por nuk pranoi të deklarohet më tepër rreth rrethanave.

“Mbrojtja e objekteve izraelite ka përparësinë kryesore”, tha ajo.

Policia kishte njoftuar më herët se një operacion i madh ishte duke u zhvilluar në përgjigje të një incidenti dhe kërkoi nga qytetarët që të shmangnin zonën përreth.

Po ashtu një helikopter ishte vendosur për të ofruar një pasqyrë të qartë të situatës./Lajmi.net/