Në Podujevë janë dëgjuar të shtëna me armë.

Rastin për lajmi.net, e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

Ahmeti ka thënë se nga ky rast nuk ka persona të lënduar nga arma por se si pasojë e rrahjes një person është lënduar nga një mjet i fort ku edhe është dërguar për trajtimin e nevojshëm mjekësor.

Po ashtu lidhur me rastin policia ka shoqëruar në stacion policor katër persona, prej tyre  1 dëshmitar dhe  tre persona të dyshuar të cilët ishin të përfshirë në rast.

“Sot rreth orës 14:30 është pranuar informata për një rrahje  dhe shkrepje të armës në Podujevë. Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor .Aktualisht policia po vazhdon punën për zbardhjen e rrethanave dhe motiveve që karakterizojnë ngjarjen”, ka thënë Ahmeti. /Lajmi.net/