Të shtëna me armë zjarri janë raportuar gjatë një ahengu familjar më 10 gusht rreth orës 21:00 në fshatin Nerodime e Epërme të Ferizajt.

Njësitet policore kanë reaguar menjëherë dhe kanë dalë në vendin e ngjarjes, ku kanë identifikuar një person të dyshuar, A.N., 33-vjeçar.

Gjatë ndërhyrjes, policia ka konfiskuar një pistoletë me gaz dhe dy fishekë.

Me rastin është njoftuar prokurori i shtetit, i cili ka autorizuar inicimin e rastit për veprat penale “Mbajtja në pronësi, kontroll ose posedim të paautorizuar të armëve” dhe “Përdorimi i armës apo mjetit të rrezikshëm”.

Policia Rajonale e Ferizajt u ka bërë apel qytetarëve që të mos përdorin armë gjatë ahengjeve dhe festave familjare.