Përmes një njoftimi zyrtar, kompania ka bërë të ditur se do të investojë një fond nga 40 deri në 70 milionë euro për infrastrukturën mbështetëse për zbatimin e projektit në Shqipëri.

Sipas njoftimit, investimet do të prekin tre qarqe të vendit: Korçën, Beratin dhe Fierin.

Në këto zona kompania ka planifikuar të ndërtojë ose rehabilitojë mbi 80 kilometra rrugë, përfshirë edhe akset kombëtare, të cilat do të bëjnë të mundur transportimin e makinerive të rënda që do të përdoren për ndërtimin e gazsjellësit.

Investimet parashikojnë edhe ndërhyrjet në një sërë veprash arti, kryesisht në ura, me qëllim që të përballojnë tonazhin e makinerive ndërtuese.

Kompania ka vënë si afat përfundimtar për dorëzimin e ofertave datën 16 maj.

Sipas paralajmërimeve më të reja, ndërtimi i seksionit të gazsjellësit nëpër Shqipëri do të fillojë në vitin e ardhshëm.