Tahiri njofton për një hap të tij në luftën kundër korrupsionit

Ministri i Drejtësisë, Abelard Tahiri ka njoftuar Qeveria e Kosovës e ka miratuar sot Projektligjin për parandalimin e konfliktit të interesit në ushtrimin e funksionit publik.

Lajme

03/10/2017 13:44

Ky projektligj tash do të shkojë në Kuvend, dhe konsiderohet një prej ligjeve të rëndësishme në luftën kundër korrupsionit. Ministri Tahiri thekson se ky është një hap i rëndësishëm për të ndaluar veprimet kundër-ligjore të zyrtarëve shtetërorë.

“Sot propozova para Qeverisë, projektligjin për parandalimin e konfliktit të interesit në ushtrimin e funksionit publik. Ky është një hap më tutje për t’i dhënë përgjigjen e duhur nevojës për të kufizuar dhe ndaluar veprimet dhe interesat private të zyrtarëve, gjatë ushtrimit dhe pas mbarimit të detyrës në një funksion publik. Përcaktimi i qartë i situatave të konfliktit të interesit dhe parandalimit të tij, përbën qëllimin thelbësor të këtij projektligji. Angazhimi im kundër korrupsionit në të gjitha format e prezencës së tij, s’do ketë kompromis. Shteti i së Drejtës s’ka qenë kurrë më afër. Për këtë, do punoj pareshtur”, ka shkruar ai.