Superliga e Kosovës në Basketboll vijon sot me dy ndeshje, vëmendja në Suharekë
Art Motion Superliga do të kthehet këtë fundjavë me ndeshje interesante.
![](https://lajmi.net/wp-content/uploads/2022/01/ylliii.png)
Sport
Gjatë ditës së shtunë, në Superligë do të zhvillohen dy përballje interesante.
Ndeshja e parë zhvillohet mes Rahovecit dhe Dritës duke filluar nga ora 17:00 në palestrën “Mizair Isma”.
Dy skuadrat gjendet në fundin e tabelës me 17 pikë për Rahovecin në pozitën e parafundit, dhe 15 pikë për Dritën që mbetet në pozitën e fundit si skuadra e vetme që ende nuk ka fituar këtë edicion.
Ndërkohë dueli interesant pritet të zhvillohet në palestrën “13 Qershori” mes Yllit dhe Bashkimit.
Ylli prin si lider i tabelës me 26 pikë, me 11 fitore dhe katër humbje në 15 ndeshje, ndërkohë Bashkimi gjendet në pozitën e 6-të me 8 fitore dhe 7 humbje në 15 ndeshje. /Lajmi.net/