Plumbat e kallashnikovit me këtë rast kanë qëlluar kulmin e shtëpisë dhe dritaren.

Pas raportimit të rastit nga pala e dëmtuar, policia ka arrestuar të dyshuarin A.Z 30 vjeç, nën dyshimin se ka kryer veprën penale, “Shkaktim i rrezikut të përgjithshëm”. 

Sipas policisë tek i dyshuari, është gjetur dhe konfiskuar arma gjysmë automatike dhe një karikator me dhjetë fishekë të kalibrit 7.62 mm.

Dyshohet se e njëjta armë është përdorur dy ditë më parë në rastin e inkriminuar.

“Sipas raporteve të para të hetuesve, i dyshuari ka shtënë disa herë me armë zjarri në drejtim të shtëpisë së ankuesit, M.Th 56 vjeç në fshatin Bibaj. Sipas ankuesit, predhat kanë goditur kulmin e shtëpisë së tij si dhe kornizën e njërës prej dritareve. Ankuesi ka deklaruar po ashtu, se me të dyshuarin në vazhdimësi kanë pasur probleme rreth pronës”, ka thënë zv/drejtori rajonal i policisë, kapiteni Basri Shabani. 

Bëhet e ditur se Prokuroria Themelore në Ferizaj, të dyshuarit, A.Z. ia ka caktuar masën e ndalimit policor për 48 orë.