Aleanca Veriatlantike – NATO, ka lëshuar flamujt në gjysmështizë, në nderim të 2977 personave që humbën jetën nga sulmi i 11 shtatorit në New York të SHBA-së.

24 vjet më parë, dy Kullat Binjake në “World Trade Center” u goditën nga dy avionë.

Përgjegjësitë e sulmit i mori përsipër organizata terroriste e Al-Qaedas.

19 terroristë rrëmbyen katër avionë komercialë, dy prej të cilëve u përplasën me Kullat Binjake dhe i treti në Pentagon, në qarkun Arlington, Virxhinia.

Aeroplani i katërt u rrëzua në një fushë rurale të Pensilvanisë.

Në përgjigje të sulmeve, Shtetet e Bashkuara zhvilluan luftën globale kundër terrorizmit gjatë disa dekadave për të eliminuar grupet armiqësore të konsideruara si organizata terroriste, si dhe qeveritë që pretendonin se i mbështesnin ato.

Një ditë pas sulmit terrorist, NATO-ja u mblodh në një seancë urgjente, ku deklaroi se një sulm i armatosur ndaj një anëtari ishte sulm kundër të gjithëve.

Të 18 aleatët e Shteteve të Bashkuara deklaruan se do të mbështesnin përgjigjen e Amerikës ndaj sulmeve të një dite më parë.