Javët me reshje të shumta kanë ndikuar në rritjen e pandërprerë në nivelin e ujit, i cili pritet të arrijë rreth 6 metra mbi normën normale.

Varkat turistike janë të lidhura, kurse rrugët përgjatë lumenjve janë mbyllur për qarkullim, derisa edhe Muzeu i Luvrit ka mbyllur një galeri.
Franca ka parë shira të tilla në periudhën e Vitit të Ri vetëm tri herë gjatë shekullit të fundit.

Ujërat e zeza kanë dale së sipërfaqe dhe minjtë po ashtu janë parë rrugëve, raporton Kevin Connolly i BBC nga kryeqyteti francez, përcjell Insajderi.

Brenda Parisit, lumi Sena shkon në një kanal të thellë që kufizon efektet e ujërave në rritje, por në qytete më të vogla përgjatë lumit, raportohet gjendje më e vështirë.
Atje janë duke pritur që ujërat të bien në nivelet e mëprashme për të lejuar vlerësimet e para të kostos financiare të përmbytjeve.

Një statujë e një ushtari francez nga Lufta e Krimesë – e njohur si The Zouave – në Pont de l’Alma është përdorur prej kohësh si një shenjë për nivelet e ujit në qytet.

Të premten, uji ishte te mesi i kofshës – jo aq i lartë sa përmbytjet e vitit 1910, të cilat arritën në qafën e tij dhe e zhytën qytetin për dy muaj.