Pas dështimit të seancës së 37-të për konstituimin e Kuvendit të Kosovës, Jeta Statovci nga VV-ja ka folur para mediave.

Sipas saj, mungesa e pjesëmarrjes në procesin e votimit po e zgjat krizën institucionale dhe po e dëmton interesin shtetëror.

“Egoja e opozitës është më e lartë sesa interesi i Kosovës dhe konstituimi i Kuvendit. Përmes një strategjie sabotuese dhe bllokuese, nuk kemi pjesëmarrje në procesin e votimit. Ne kemi qenë vazhdimisht thirrës në seancë që të kemi pjesëmarrje në votim – qoftë me votë për, kundër apo edhe me abstenim”,  deklaroi Statovci.

Ajo gjithashtu ka thënë se opozita duke mos votuar po e shkel aktgjykimin e Gjykatës Kushtetuese e cila thotë se duhet të votojnë pro, kundër apo abstenim.