Futbollistët e Bayern Munich janë duke shprehur pakënaqësitë e tyre në lidhje me trajnerin Julian Nagelsmann.

Sipas SportBILD, janë tri çështje që nuk po kapërdihen lehtë prej lojtarëve, e që të tria këto kanë të bëjë pikërisht me paraqitjen e trajnerit në këtë fillimsezon.

E para ka të bëjë me paaftësinë e skuadrës për të reaguar në situata jo të mira gjatë lojës, përgjegjësi të cilën, sipas tyre, nuk po di ta inkorporojë te lojtarët trajneri.

E dyta lidhet me zëvendësime, sipas tyre, joadekuate gjatë ndeshjes.

Dhe e treta me mungesë të “frymës së skuadrës”.

Mbetet të shihet nëse këto akuza do të rëndojnë në shpatullat e gjermanit që s’po performon mirë këtë sezon. /Lajmi.net/