Sipas të përditshmes portugeze A Bola, përfaqësues të Barcelonës ishin prezent në stadiumin Dragao për ta shikuar ndeshjen mes Portos dhe Nacionalit – që përfundoi 1:1 – për ta vëzhguar sulmuesin kolumbian, Jackson Martinez dhe qendërmbrojtësin argjentinas, Otamendi.

Po ashtu, qarkullojnë njoftime se skaut të skuadrave të ndryshme përfshirë Chelsean dhe Monacon po ashtu përcollën takimin.

27-vjeçari Martinez është një prej futbollistëve më të dalluar te Porto, pas largimit të Radamel Falcaos. Ai pritet të jetë një prej futbollistëve i cili do të zgjojë interesim të madh gjatë Kampionatit botëror 2014.

Martinez ka kontratë me Porton deri në qershor 2016. Kurse, Otamendi përveç Barcelonës kërkohet edhe nga Chelsea e Jose Mourinhos.