Specialja konfirmon kthimin e Jakup Krasniqit në Hagë, pas vizitës në Kosovë

Gjykata Speciale ka konfirmuar se Jakup Krasniqi është kthyer në Hagë, pas vizitës në Kosovë, e cila iu lejua për arsye humanitare. Në njoftimin e publikuar dje, pas orës 17:00, Specialja bëri të ditur se vizita e ish-zëdhënësit të Ushtrisë Çlirimtare të Kosovës ishte miratuar nga Trupi Gjykues për shkak të rrethanave të rënda familjare.…

Lajme

22/11/2026 12:40

Gjykata Speciale ka konfirmuar se Jakup Krasniqi është kthyer në Hagë, pas vizitës në Kosovë, e cila iu lejua për arsye humanitare.

Në njoftimin e publikuar dje, pas orës 17:00, Specialja bëri të ditur se vizita e ish-zëdhënësit të Ushtrisë Çlirimtare të Kosovës ishte miratuar nga Trupi Gjykues për shkak të rrethanave të rënda familjare. Bashkëshortja e tij, siç është bërë e ditur ditëve të fundit, ndodhet në gjendje jo të mirë shëndetësore.

“Jakup Krasniqi u kthye sot në Hagë pas vizitës së urdhëruar nga Trupi Gjykues për arsye humanitare bindëse”, thuhet në njoftimin e publikuar në faqen zyrtare të Dhomave të Specializuara.

Gjykata bëri të ditur gjithashtu se kjo ishte vizita e 15-të e një të paraburgosuri në Kosovë, e lejuar nga gjykatësit për arsye humanitare dhe e organizuar nga vetë gjykata.