Anglia nuk e ka filluar mirë edicionin e ri të Ligës së Kombeve.

Ata kanë pësuar një disfatë nga Hungari dhe janë ndarë baras me Gjermaninë dhe Italinë.

E pas barazimit pa gola ndaj italianëve, trajneri i Anglisë u shpreh i zhgënjyer.

“Ne duam të fitojmë ndeshje dhe jemi të zhgënjyer që nuk fitojmë. Ne kemi dy ose tre shanse shumë të mira që duhet t’i shfrytëzojmë”, ishin fillimisht fjalët e Gareth, përcjell lajmi.net.

Tutje, ai tha se ‘Tre Luanët’ varen nga golat e dyshes, Harry Kane dhe Raheem Sterling andaj kjo është diçka shqetësuese për të.

“Ju nuk keni aq shumë shanse kundër skuadrave kryesore. Ne do të dëshironim të kishim krijuar më shumë nga zotërimi që kishim. Ne jemi shumë të varur nga Harry dhe Raheem për golat tona për momentin dhe kjo është një shqetësim”, vazhdoi ai.

Anglezi nuk harroi të flas edhe për portierin e Arsenal, Aaron Rasmdale, pasi kishte paraqitje fenomenale mbrëmë.

“Ai bëri pritje të rëndësishme dhe ishte shumë i qetë në zotërimin e topit. Kjo është ajo që ne shpresonim se ai do të sillte”, përfundoi Southgate.

Anglia momentalisht ndodhen në vendin e katërt me vetëm dy pikë, në grupin e tretë të ligës A./Lajmi.net/