Sot do të mbahet aktiviteti për themelimin e Gardës për Mbrojtjen e Natyrës, një nismë që synon forcimin e mbrojtjes së mjedisit në Kosovë.

Ngjarja do të zhvillohet në orën 11:00, në hollin e Bibliotekës Kombëtare të Kosovës, ku pritet të marrin pjesë përfaqësues të institucioneve dhe mediave, transmeton lajmi.net.

Në këtë aktivitet do të jenë të pranishëm edhe Kryeministri i Republikës së Kosovës, Albin Kurti, si dhe Ministrja e Mjedisit dhe Planifikimit Hapësinor, Fitore Pacolli.

Themelimi i kësaj garde konsiderohet një hap i rëndësishëm drejt rritjes së angazhimit institucional për mbrojtjen e natyrës dhe përmirësimin e menaxhimit të burimeve mjedisore në vend.

Ngjarja organizohet nga Ministria e Mjedisit dhe Planifikimit Hapësinor./lajmi.net/