Klinika e Gjinekologjisë do të ofrojë edhe një shërbim të ri digjital. Bëhet fjalë për regjistrimin e lindjes së fëmijëve, që pritet të lansohet sot (e hënë), në në Qendrën Klinike Universitare të Kosovës.

Kjo iniciativë synon të lehtësojë procedurat për qytetarët, duke ofruar një mënyrë më të shpejtë dhe më efikase për regjistrimin e lindjeve, thuhet në njoftim.

Në këtë ceremoni do të jenë të pranishëm ambasadori i Gjermanisë në Kosovë, Rainer Rudolph, ministri në detyrë i Shëndetësisë, Arben Vitia, si dhe ministri në detyrë i Digjitalizimit dhe Administratës Publike, Lulëzon Jagxhiu.

Ngjarja do të zhvillohet në ambientet e Klinikës së Gjinekologjisë në QKUK, me fillim nga ora 13:30. Ndërsa për shkak të natyrës së ambientit dhe për të garantuar mbrojtjen e të dhënave personale, mediat janë lutur të respektojnë privatësinë dhe të shmangin filmimin e pacientëve apo të dhënave identifikuese.