“Dardanët” synojnë fitore edhe pse do jetë vështirë, meqenëse kanë mungesa të shumta, shkruan lajmi.net.

Optimist për këtë super përballje ishte edhe trajneri i përkohshëm Muharrem Sahiti, që dje në konferencë për media tha se do provojnë të arkëtojnë pikët e plota.

“E njohim mirë kundërshtarin, kemi punuar shumë për këtë ndeshje dhe nesër do të provojmë të fitojmë, është ndeshje e rëndësishme dhe duam ta shohim reagimin e kundërshtarëve”.

Gjithashtu edhe trajneri slloven Kek, konfirmoi që qëllimi është vetëm fitorja, derisa dje lavdëroi Kombëtaren e Kosovës.

““Qëllimi ynë është vetëm fitorja. Kosova është skuadër e formuar me yje që luajnë në skuadrat e mëdha të Evropës”.

Ndërkohë, përballja mes Sllovenisë dhe Kosovës nis në ora 20:45./Lajmi.net/