Skandaloze, ja si është leckosur flamuri i Kosovës para ambasadës në Podgoricë

Shqiptarët në Mal të Zi janë shprehur të brengosur me gjendjen e flamurit të Kosovës para ambasadës në Podgoricë. Grupi i Shqiptarëve në Mal të Zi, kanë dërguar fotografi ku shihet flamuri i Kosovës i leckosur.

Lajme

25/01/2021 21:56

“Si shqiptarë të Malit të Zi jemi thellë të brengosur se si ambasadori Hysa e trajton këtë flamurë para Ambasadës së Kosovës në Podgoricë, duke pasë parasysh se për të ardhur deri te shteti i Kosovës dhe ky flamurë është derdhë gjak nga shqiptarët e të gjitha trojeve”, thuhet në reagimin e Grupit të Shqiptarëve në Podgoricë.

Kujtojmë se Kosova në Mal të Zi përfaqësohet nga ambasadori Ylber Hysa.

“Zëri” ka provuar të marrë një prononcim nga MPJ-ja për këtë rast, por nuk kanë kthyer përgjigje.