Ministria e Mbrojtjes së Shqipërisë ka bërë thirrje urgjente për evakuim nga banorët e zonës së Nartë, Skënderbegas (Gramsh) dhe Delvinë.

Thirrja e Ministrisë së Mbrojtjes ka ardhur si pasojë e përhapjes së madhe të zjarreve në këtë rrethinë.

“THIRRJE URGJENTE PËR EVAKUIM – Për shkak të përhapjes së shpejtë të zjarreve në Nartë, Skënderbegas (Gramsh) dhe Delvinë, u bëjmë thirrje banorëve të ndjekin udhëzimet e ekipeve të emergjencës dhe të evakuohen menjëherë drejt zonave të sigurta”, thuhet në njoftimin e ministrisë.

Sipas një tjetër njoftimi nga po kjo ministri vetëm gjatë 24 orëve të fundit janë evidentuar 64 vatra zjarri, nga të cilat 24 vatra zjarri janë ende aktive.