Një person dje është parë me kallashnikov në krahë derisa lëvizte rrugëve të Podujevës.

Përpos kësaj, i njëjti kishte shtënë me armë në drejtim të dy viktimave meshkuj, por për fat të mirë ata nuk janë goditur.

Policia e Kosovës është deklaruar sot për rastin duke bërë të ditur se në vendin e ngjarjes janë gjetur gjashtë gëzhoja, ndërsa nga predhat janë dëmtuar dy vetura.

Nga i dyshuari është konfiskuar një AK-47 me një karikatorë me 15 copë fishekë. Me vendim të prokurorit i dyshuari është dërguar në mbajtje.

Rasti është regjistruar si “vrasje e mbetur në tentativë”. /Lajmi.net/