Kur një shtëpi në Teksas mori flakë në mes të natës këtë muaj, një djalë dy vjeçar erdhi në shpëtim, duke zgjuar prindërit e tij dhe në fund duke shpëtuar jetën e të gjithëve, transmeton lajmi.net.

Nathan, 33 vjeç dhe Kayla Dahl, 28, nga Alvord ishin në gjumë në orën 4:30 të mëngjesit të 15 janarit, kur një zjarr shpërtheu në shtëpinë e tyre, duke e mbushur me shpejtësi shtëpinë me flakë.

Por për shkak se alarmet e tyre të zjarrit nuk funksionuan dhe nuk u ndezën – dhe të dy kishin humbur ndjenjën e nuhatjes për shkak të COVID – asnjëri nuk u zgjua nga rreziku.

Djali i tyre Brandon, i cili kishte fjetur në dhomën e ndenjes, u zgjua nga tymi dhe flakët dhe zgjoi nënën e tij.

“Ai më goditi me këmbë dhe po kollitej, më thoshte: Mami shumë nxehtë, nxehtë”, tha Kayla për Good Morning America.

Prindërit u zgjuan shpejt dhe nxorën pesë fëmijët e tyre nga shtëpia që po digjej. /Lajmi.net/