Një shpërthim raportohet të ketë ndodhur pas mesnate në veri të vendit.

Rreth orës 02:00 një shpërthim ka ndodhur  në një shtëpi në fshatin Uglarë të Zubin Potokut.

Rasti është konfirmuar për lajmi.net nga zv/drejtori i Policisë së Kosovës për veriun, Veton Elshani.

Ai tha se si shkak i shpërthimit pati dëme të vogla materiale, por s’pati të lënduar.

“Policia ka dalë në vendin e ngjarjes me njësitë adekuate dhe po merret me rastin”, shtoi ai./Lajmi.net/