Sylejman Selimi, Nexhat Qubreli, Ismet Haxha dhe Shefki Hyseni janë liruar nga te gjitha akuzat dhe janë shpallur te pafajshëm.

Kryetari i trupit gjykues Darius Sielitzci ka thënë se nuk është arritur të vërtetohet dyshimi i bazuar se të pandehurit në bashkëkryerje në cilësinë e ushtareve të UÇK-së kanë kryer krime lufte duke cenuar integritetin trupor të dëshmitareve A dhe B. Selimi, Qubreli, Haxha dhe Hyseni akuzoheshin për krime lufte, që pretendohet se janë kryer gjatë vitit 1998, në rajonin e Mitrovicës.

Aktakuza kryesisht ishte bazuar në dëshminë e dy dëshmitareve të mbrojtura, A dhe B. Ky ishte rasti i dytë, me të cilin ballafaqohen Sylejman Selimi e Ismet Haxha, të dy janë të akuzuar edhe në procesin tjetër gjyqësor i njohur se “Grupin e Drenicës”.

\”Gjykata ka sjell aktgjykim të drejtë, të ligjshëm dhe të besueshëm. Prokurori nuk ka paraqitur asnjë provë me të cilën do të vërtetoheshin pretendimet e pabazuara të prokurorisë për kinse involvimin e gjeneral Selimit dhe të tjerëve në këto veprime\”, ka thënë për koha.net Tomë Gashi, avokat i Selimit.