Shokuese për Eglin, i publikohen në studio deklaratat e Gjestit në dhomën e rrëfimit ku ai thotë se nuk e dashuron dhe do të zhduket nga ajo kur të dalë jashtë

ShowBiz

16/03/2025 08:32

Spektakli i së shtunës në Big Brother VIP Albania 4 solli një moment të bujshëm për këngëtaren Egli Tako, e cila ishte e ftuar në studio pas largimit të saj nga shtëpia.

Teksa diskutonte për eksperiencën e saj në reality show, produksioni i përgatiti një surprizë aspak të këndshme – një klip që përmbante detaje shokuese mbi marrëdhënien e saj me Gjestin.

Në pamjet e publikuara fillimisht shfaqeshin momentet e ëmbla mes saj dhe Gjestit, me deklarata dashurie dhe afrimitet të ndërsjellë brenda shtëpisë. Mirëpo, në të njëjtin klip u transmetuan edhe sekuenca kundërthënëse, ku Gjesti në Dhomën e Rrëfimit bënte deklarata krejt të ndryshme nga ato që kishte shprehur publikisht.

Në rrëfimin e tij privat, ai shprehet: “Kur të dal nga këtu, do të zhdukem, s’do të mi shohë sytë. Nuk e di si e ka paraprirë kjo, unë në Prishtinë e kjo në Tiranë… s’mundem me e dashtë”.

Kjo deklaratë e papritur tronditi publikun dhe opinionistët, duke ngritur pikëpyetje mbi sinqeritetin e ndjenjave të Gjestit ndaj Eglit. Për më tepër, kontrasti mes fjalëve të tij në shtëpi dhe rrëfimeve private ka nxitur debat të madh në rrjetet sociale, me fansat e BBVA 4 që tashmë diskutojnë nëse marrëdhënia e tyre ka qenë e sinqertë apo thjesht një strategji loje.