Shkenca me një lajm të mirë për personat që flasin me vetën

Shanset që ne ta bëjmë këtë gjë gjatë gjithë ditës janë të mëdha..."Jam vonë për punë", "Sa më pëlqen ky fustan", "Duhet ta takoja atë person", fraza të tilla kanë kaluar shpesh në mendjen tuaj, por a i keni thënë ndonjëherë me zë të lartë?

Fun

19/06/2019 10:04

Nëse përgjigja juaj është “Po”, atëherë jeni në anën e djathtë të shkencës, transmeton Class.

Rezulton se shprehja e disa mendimeve të brendshme me zë të lartë mund të të ndihmojë të pushtosh më mirë të tashmen dhe të ardhmen dhe është diçka që të gjithë ne duhet ta bëjmë, sipas Lisa Ferentz, punonjëse klinike sociale, psikoterapiste dhe autore e librit të ri “Mësimet e transformimit të jetës nga shtroja e terapistëve”.

Ferentz e përdor këtë praktikë më shpesh kur është fjala për të ndihmuar klientët e saj të zhvillojnë një pikëpamje pozitive për veten dhe ditën e ardhshme.

“Nuk ka asgjë më të rëndësishme sesa mënyra se si ne flasim me veten, sepse monologu i brendshëm informon në mënyra delikate dhe jo aq delikate të gjitha mendimet tona të mëvonshme, gjendjet emocionale dhe zgjedhjet e sjelljes”, thotë ajo.

Ta themi thjesht, nëse jeni vazhdimisht kritik, gjykues, ose përballeni gjatë ditës me një qëndrim negativ, ju jeni duke e bërë shumë të vështirë për veten tuaj që të hasni më pas pozitivitetin aq shumë të dëshiruar.

Një mënyrë e mirë për të adoptuar një gjendje të shëndoshë mendore është të shkruani ato për të cilat ju jeni mirënjohës, forcat tuaja personale dhe afirmimet pozitive; pastaj qëndroni para një pasqyre dhe thuajini ato gjëra me zë të lartë.

Nëse ndiheni budallenj, mos u dorëzoni. “Ashtu si çdo gjë tjetër, pasi ta praktikoni do zbuloni se është mjaft e lehtë për ta bërë. Ky veprim udhëzon jetën tonë nëse jemi të ndërgjegjshëm apo jo”, thotë Ferentz.

Në fakt, një studim nga Universiteti i Lethbridge zbuloi se studentët që u mësuan se si të angazhoheshin në biseda pozitive kundrejt atyre negative ishin në gjendje të ndryshonin perspektivat, qëndrimet dhe reagimet e tyre.

Ferentz gjithashtu i inkurajon njerëzit që të pëshpërisin me zë të lartë diskutimet ose të eksplorojnë mendimet dhe ndjenjat e tyre duke shkuar në një situatë potencialisht frikësuese, kërcënuese ose dërrmuese.

“Kjo pëshpërimë pozitive për veten, na jep një forcë dhe kurajo pak më shumë, që të mund të takojmë një skenar sfidues”, thotë ajo.

Kështu që herën tjetër që do ta kapësh veten mat duke folur me zë të lartë, mos u shqetëso. Gjithçka është në rregull!