Shitje rekord të iPhone 6

Apple vendosi një rekord të ri në ditën e parë të porosive për iPhone 6 dhe iPhone 6 Plus. Kërkesat ishin aq të larta, sa që dyqanet në internet të Apple për shkak të ngarkesës së madhe patën edhe probleme teknike.

Auto & Tek

15/09/2014 16:56

Disa përdorues aktual të sistemit iOS kishin mundësi të porosisnin iPhone 6 duke përdorur aplikacionin Apple Store nga dyqani virtual i aplikacioneve të kompanisë Apple. Klientët e T-Mobile dhe Sprint hasën gjithashtu probleme gjatë kohës që po porosisnin modelet e reja të iPhone.

Një përfaqësues i Apple tha për Re/Code se shitjet brenda një dite të iPhone 6 dhe iPhone 6 Plus kanë shënuar një rekord të ri për kompaninë Apple edhe pse zyrtarisht ka refuzuar t’i jap shifrat e para të njësive të shitura, transmeton Lajmi.net.

Porositjet për iPhone 6 dhe iPhone 6 Plus kanë filluar ditën e premte në orën 9:00 të mëngjesit. Në disa rajone ky sajt nuk funksiononte. 90 minuta më vonë, Apple pati sërish probleme në disa shtete të caktuara. Megjithatë, pavarësisht probleme, iPhone 6 Plus mund të porositet akoma në dyqanet përkatëse në internet, ndërsa tregtimi do të fillojë pas katër javësh.