Paneli Zgjedhor për Ankesa dhe Parashtresa ka dënuar Partinë Demokratike të Kosovës.

Gjoba ndaj PDK-së është hiç më pak se 19 mijë euro.

Lëvizja Vetëvendosej ishte ankuar në PZAP se PDK ka shkelur Kodin e Mirësjelljes për Subjektet Politike.

Një ankesë ka qenë për shkak të vendosjes së një posteri të kandidates për deputete, Blerta Deliu- Kodra në rrugën ‘Osman Geci’ në Skenderaj, një tjetër për posterin tek rruga ‘Pazari i Vjetër’ po ashtu në Skenderaj, ankesa e tretë ka qenë për posterin e Mërgim Lushtakut po ashtu tek rruga ‘Pazari i Vjetër’ dhe e fundit për posterin e Lushtakut tek rruga ‘Osman Geci’.

Sipas të dhënave thuhet se është shkelur neni 34, paragrafi 2 i Ligjit për Zgjedhjet e Përgjithshme.

Partia Demokratike e Kosovës është përgjigjur në këto ankesa duke thënë se pretendimet janë pabazë. Sipas PDK-së, Blerta Deliu- Kodra dhe Mërgim Lushtaku, para fillimit të fushatës kishte marrë pëlqimin dhe lejen e shfrytëzuesve të hapësirës publike.PDK thotë se Deliu- Kodra dhe Lushtaku kanë nënshkruar kontratë me ‘Foto Kabashi’ për shfrytëzimin e hapësirave reklamuese.PZAP ka gjetë se ankesa është e bazuar për shkak se është konstatuar vendosja e bilbordeve të dy kandidatëve për deputetë dhe se ka vlerësuar kontratat e bashkëngjitura nga PDK.

Në lidhje me këtë gjobë, PDK ka 15 ditë afat për ta paguar atë.

PZAP javën e kaluar ka dënuar po ashtu edhe LDK,  Vetëvendosjen e parti të tjera./Lajmi.net/

https://pzap.rks-gov.net/category/vendimet/