Ambasadori i Zvicrës në Shqipëri, Cristofor Graff zhvilloi një vizitë pune në Shëngjin,  ku është takuar me kryetarin e komunës Kacaj.  

Mes tyre është folur për projektet që po financon Qeveria e Zvicrës, pasi kjo e fundit ka interes në menaxhimin e pyjeve dhe zhvillimin e turizmit, raportojnë mediat lokale, transmeton albinfo.ch.  

“Zvicra e ka mbështetur këtë projekt që në fakt fokusohet në ekoturizëm dhe në pyje, por po shohim mundësinë e bashkëpunimit edhe në fusha të tjera me qëllim që ta mbështesim Shëngjinin. Aktualisht po shoh çfarë ndodh në terren dhe do të raportoj në Zvicër për rezultatet. Dua të them që Zvicra për një kohë të gjatë do të vazhdojë të bashkëpunojë me Shqipërinë duke ofruar asistencë në fusha të ndryshme”, tha diplomati zviceran.  

Bashkëpunimi midis Komunës së Shëngjinit dhe Ambasadës së Zvicrës pritet të sjellë investitorë, që përkthehet në përmirësim të infrastrukturës turistike të zonës bregdetare