Shefi i kufijve i Donald Trump, Tom Homan, ka paralajmëruar se dikush mund të “humbë jetën” nëse vazhdojnë përleshjet midis protestuesve dhe oficerëve të imigracionit.

Homan, i cili u vu në krye të kufijve të SHBA-së pasi Trump mori detyrën, i tha NBC-së: “Është çështje kohe para se dikush të lëndohet rëndë. Nëse kjo dhunë vazhdon, dikush do të humbasë jetën”.

Ai thotë se lëvizja e pazakontë e Trumpit për të dërguar Gardën Kombëtare është e nevojshme “për të na ndihmuar të mbrojmë sigurinë publike”.

Sipas Homan, Garda Kombëtare është atje “jo vetëm për të mbrojtur oficerët e zbatimit të ligjit, por për të mbrojtur këtë komunitet, sepse njerëzit do të lëndohen”, shkruan BBC.