“Korporata e Sfidave të Mijëvjeçarit të Qeverisë së SHBA-ve (MCC) ka lëshuar deklaratën e mëposhtme në lidhje me statusin e programeve të zhvillimit ekonomik të MCC në Kosovë:Pozcicioni i Shteteve të Bashkuara lidhur me tarifat e Kosovës ndaj mallrave nga Serbia është i qartë. Heqja e këtyre tarifave do të përmirësojë ekonominë e Kosovës dhe do të ndihmojë në uljen e varfërisë perms rritjes ekonomike. Derisa të zgjidhet çështja e tarifave të Kosovës, MCC do të ndalojë zbatimin e programit të  pragut dhe zhvillimin e programit të propozuar kompakt në Kosovë

Vendimi për të vazhduar me programet MCC varet nga veprimet e Qeverisë së Kosovës. MCC ka shpresa që Qeveria e Kosovës do të vendos ta zgjidhë shpejt këtë çështje tarifore në mënyrë që të vazhdojë me programet MCC. Pasi të arrihet një resolute, MCC do të rifillojë operimet sipas rastit.”, thuhet në komunikatën e MCC 

Kujtojmë, që për heqjen e tarifës përveç Richard Grenell, këto paralajmërime i kishte bërë edhe Dick Custin, zëdhënës i emisarit të presidentit Trump për dialogun Kosovë-Serbi, i cili tha se ‘E gjithë Qeveria amerikane po ia kërkon Kosovës t’i heqë menjëherë të gjitha tarifat’.

Gjithashtu, Shtetet e Bashkuara të Amerikës kanë thënë se është e mundur që trupat amerikane të largohen nga Kosova si shkak i mos-dëgjueshmërisë së qeverisë së Kosovës, karshi kërkesave të Shteteve të Bashkuara të Amerikës.

Ndërkohë, kryeministri i Kosovës, Albin Kurti edhe sot gjatë një konference për media e ka bërë të ditur se tarifat 100 për qind ndaj Serbisë vazhdon të jetë në fuqi. /Lajmi.net/