Shtetet e Bashkuara të Amerikës (ShBA) kanë mirëpritur njoftimin për zbatimin e Ligjit për të Huajt, duke e cilësuar këtë zhvillim si një hap pozitiv drejt bashkëpunimit institucional dhe politik.

Në një deklaratë të dhënë për Telegrafin nga një zëdhënës i Departamentit të Shtetit, SHBA vlerësoi angazhimin e palëve për këtë çështje.

“Shtetet e Bashkuara mirëpresin njoftimin për arritjen e marrëveshjes për zbatimin e Ligjit për të Huajt. Ne vlerësojmë angazhimin e palëve për këtë çështje, në mënyrë që të arrihet një zgjidhje e pranueshme nga të dyja palët”, thuhet në përgjigje.