Mbikëqyrja botërore e armëve kimike tha sot se kishte gjetur sërish gjurmë të gazit lotsjellës, i cili është i ndaluar si armë lufte, në fushën e betejës me Rusinë në rajonin ukrainas Dnipropetrovsk.

Agjentët e kontrollit të trazirave si gazi lotsjellës janë të ndaluar si një metodë lufte sipas Konventës së Armëve Kimike, një traktat i mospërhapjes i mbikëqyrur nga Organizata për Ndalimin e Armëve Kimike (OPCW).

Provat u gjetën edhe vitin e kaluar. Ukraina kërkoi ndihmë nga agjencia, e cila dërgoi ekipin e saj. Edhe pse ekipi nuk ka autoritetin për të shpallur fajtore Rusinë, Ukraina dhe SHBA kanë thënë se Rusia ka përdorur ilegalisht gaz lotsjellës për të pastruar kampet.

Gazi lotsjellës nuk është vdekjeprurës, por shkakton acarim të përkohshëm të syve dhe sistemit të frymëmarrjes.

OPCW tha se kishte mbledhur prova në lidhje me tri incidente në rajon tetorin e kaluar dhe gjithashtu kishte gjetur gjurmë të gazit lotsjellës në gëzhojat dhe mostrat e dheut të mbledhur. Zbulimi i gjurmëve të gazit lotsjellës në rajon u raportua nëntorin e kaluar.