Xherdan Shaqiri kërkon kohë për ambientim më të mirë para se të fillojë të lë gjurmë në Inter.

Ylli kosovar ka qenë rezervist në muajin e fundit, pasi trajneri Roberto Mancini ka preferuar brazilianin Hernanes në vend të tij. Por, Shaqiri nuk brengoset.

“Unë jam i qetë. Unë e jap maksimumin dhe jam gjithmonë komplet në shërbim të skuadrës. Është e rëndësishme që e kemi arritur Europa Leaguen”, deklaroi Shaqiri për magazinën zvicerane, “Blick”.

“Unë po përmirësohem fizikisht çdo ditë. Për të arritur sukses, më nevojitet kohë për t’u ambientuar në Serie A”, u shpreh ai.