Komunat me shumicë serbe në veri të Kosovës po shënojnë pjesëmarrjen më të lartë në zgjedhjet e jashtëzakonshme parlamentare që po mbahen sot.

Sipas të dhënave të publikuara nga njohësi i proceseve zgjedhore, Eugen Cakolli, deri në mesditë dalja e votuesve në këto komuna ka kaluar 24 për qind, duke qenë gati dyfish më e lartë se mesatarja e përgjithshme në nivel vendi.

Kjo pjesëmarrje e lartë vërehet veçanërisht në komunat veriore me shumicë serbe, të cilat po kryesojnë në statistikat e daljes në votime krahasuar me pjesën tjetër të Kosovës.

Ndërkohë, në nivel vendi, pjesëmarrja deri në mesditë është dukshëm më e ulët, çka ka krijuar një dallim të konsiderueshëm mes komunave me shumicë serbe dhe atyre me shumicë shqiptare.

Të dhënat tregojnë se veriu i vendit vazhdon të ketë mobilizimin më të madh të votuesve në këto zgjedhje, /Lajmi.net/