Për herë të dytë radhazi Lëvizja Vetëvendosje ka hedhur në votim emrin e Albulena Haxhiu për Kryetare të Kuvendit.

Në hedhjen në votim, Haxhiu mori veç 57 vota për, 19 kundër dhe tri abstenime.

Kësisoj emri i Haxhiut dështoi të zgjidhet për kryeparlamentare.

Pas kësaj kryesuesi i Kuvendit, Avni Dehari tha se seanca ndërpritet për 48 orë dhe mbahet të hënën nga ora 15:00.

“Seanca të hënën në ora 15:00”.

Kësisoj mbetet të shihet nëse të hënën do të arrihet votimi i të propozuarit apo të propozuarës për Kryeparlamentar.

Sot në Kuvend të Kosovës u betuan deputetët e rinj të legjislaturës së nëntë- 120 gjithsej./Lajmi.net/