Brenda pak minutash pritet të nis seanca për konstituimin e Kuvendit të Kosovës.

Të parët që kanë arritur në Kuvend janë deputetët e Listës Serbe.

Nga ana tjetër, përfaqësues të Lëvizjes Vetëvendosje kanë thënë se kandidate për të parën e Kuvendit, do të jetë përsëri Albulena Haxhiu.

Mirëpo në anën tjetër kandidatura e Haxhiut po kundërshtohet ashpër nga opozita.

Rregullorja e Kuvendit të Kosovës parasheh që çdo ndërprerje e seancës konstituive nuk mund të zgjasë më shumë se 48 orë.

Kuvendi konsiderohet i konstituar vetëm pasi të jenë emëruar kryetari dhe nënkryetarët, për t’i hapur rrugë formimit të Qeverisë së re.

Seanca nis nga ora 10:00.